Fróðlegt í miðlum

Mynd: Borgþór Magnússon

Heimildin 17. maí 2024

Vindorkuver á Íslandi – Stórslys í uppsiglingu?

„Í jafn land­miklu og strjál­býlu landi og Ís­land er, hlýt­ur að vera hægt að finna svæði þar sem byggja megi upp vindorku­ver með sem minnst­um nei­kvæð­um áhrif­um á nátt­úru og sam­fé­lög, sé vel og fag­lega að því stað­ið.“ segir Menja von Schmalensee, formaður Fuglaverndar.

Bændablaðið 16. maí 2024 (síða 20-22)

Rýnt í endurskinshæfni skóga

„Komið hefur fram í vísindagreinum að breyting á endurvarpi sólargeislunar gæti mögulega dregið úr áhrifum skógræktar sem loftslagsaðgerðar á vissum svæðum. Skoða þurfi svæðisbundin áhrif á endurkast af inngeislun sólar. Einhverjir hafa kallað þetta hræðsluáróður gegn skógrækt, aðrir segja að fara þurfi með aukinni gát.“

Kjarnaskógur.is 15. maí 2024

Kolefnissugur og endurskinshæfni gróðurlenda

„Það er alveg á mörkunum að endurskin og endurskinshæfni eigi heima í þessum pistil. Það er ljóst að það kemur heimshlýnun nánast ekkert við, heldur hefur aðeins áhrif á nærumhverfið“ skrifar Sigurður Arnarson. „Á því kunna þó að vera undantekningar. Þar sem lágt endurskin hefur verið notað sem rök gegn skógrækt til kolefnisbindingar er þörf á að fara aðeins ofan í saumana á þessu.“

Heimildin 25. apríl 2024.

Við erum ekki í Amazon – við erum á Íslandi

„Að mínu viti er ekki tilefni til að rífast mikið um þetta því hér eru á ferðinni niðurstöður rannsókna, sem birtar hafa verið í einu virtasta vísindatímariti heims,“ segir Pawel Wasowicz, doktor í grasafræði, sem starfar hjá Náttúrufræðistofnun Íslands. „En við þurfum að ræða þetta og ræða hvaða þýðingu þetta gæti haft.“ Það þurfi að gera með málefnalegum hætti, á vísindalegum grunni og helst án mikillar tilfinningasemi.

Bændablaðið 24. apríl 2024 (bls. 50-51)

Mikilvægi og ábyrgð sveitarfélaga við vernd líffræðilegrar fjölbreytni

„Það þarf ekki ítarlega greiningu á íslensku samfélagi til að sjá að ábyrgð á varðveislu lands og þar með á líffræðilegri fjölbreytni liggur að miklu leyti hjá sveitarfélögum“ skrifa Tómas Grétar Gunnarsson, Rannsóknasetri Háskóla Íslands á Suðurlandi og Lilja Jóhannesdóttir, Náttúrustofu Suðausturlands. „Skipulagsvald sveitarfélaga gengur í mörgum tilfellum framar en álit fagstofnana sem fara með málefni náttúru og skipulags.

Bændablaðið 24. apríl 2024 (bls. 26)

Vöktun íslenskra skóga viðamest –Vistkerfi blandaðra og misgamalla skóga rannsakað

Í viðtlai við Brynjar Skúlason, sem stýrir sviði rannsókna og þróunar hjá Land og skógi, segir hann frá verkefnum í rannsóknum og þróun innan stofnunarinnar. Nýhafið er umfangsmikið rannsóknarverkefni á vistkerfi skóga sem innihalda mismunandi trjátegundir og eru á mismunandi aldri, með áherslu á líffjölbreytni. Brynjar segir aukna áherslu verða á líffjölbreytni tengda ræktun og endurheimt vistkerfa í framtíðinni og rannsóknarstarf muni taka mið af því.

Heimildin 18. apríl 2024

Viðhorfsbreytingar í skógrækt

„Þegar meta skal loftslagsáhrif skógræktar er því ekki nóg að reikna út hve mikið skógurinn hafi bundið af CO2, heldur þarf einnig að skoða hvaða breytingar verða á endurskini sólarljóss þegar trjáplönturnar vaxa úr grasi,“ skrifar Ólafur S. Andrésson lífefnafræðingur og pró­fess­or emer­it­us um niðurstöður nýrrar rannsóknar á skógrækt sem loftslagsaðgerð.
Sjá líka færslu á Facebook síðu Heimildarinnar.

RÚV 11. apríl 2024

Varað við skógrækt sem loftslagsaðgerð í nýrri rannsókn

Í viðtali við Þóru Ellen Þórhallsdóttur, prófessors í grasafræði við Háskóla Íslands, er fjallað um nýlegar greinar í Nature og Science um áhrif skógræktar á endurskin: „Niðurstaðan úr báðum þessum greinum sem eru birtar í tveimur virtustu vísindatímaritum heims er að vara eindregið við skógrækt sem loftslagsaðgerð án þess að skoða svæðisbundnu áhrifin á endurkast af inngeislun sólar.“ segir Þóra Ellen.
Sjá nánar Nature communications: Accounting for albedo change to identify climate-positive tree cover restoration.

Loftslagsráð, mars 2024

Loftslagsskuldbindingar Íslands

Góð samantekt Hrafnhildar Bragadóttur á helstu skuldbindingum Íslands sem varða samdrátt í nettólosun gróðurhúsalofttegunda.

Í landsframlagi gagnvart Parísarsamningnum kemur fram að Ísland vinni með ESB, aðildarríkjum þess og Noregi að sameiginlegu markmiði um 55% samdrátt í nettólosun gróðurhúsalofttegunda fyrir 2030, miðað við 1990. Samvinnan felur í sér að Ísland tekur þátt í þremur lykilkerfum ESB sem ætlað er að draga úr nettólosun í Evrópu: kerfi um skiptingu ábyrgðar, landnotkunarkerfi og viðskiptakerfi með losunarheimildir.

Ríkisútvarpið 20. janúar 2024

Telja fyrirhugaðan kolefnisskóg ógna fuglalífi

Tugir spóa-, heiðlóu- og rjúpnapara missa búsvæði sín ef verður af ræktun skógar í landi Saltvíkur í Norðurþingi. Náttúrustofa Norðausturlands hefur hvatt sveitarfélagið til þess að hætta við áformin, en framkvæmdaráð telur ekki ástæðu til.

Biodiversity Conference Nov 2023 – RGU Law School

Nature Futures – Where are we? What’s the agenda?

Fyrirlestur Rogers Crofts, fyrrverandi framkvæmdastjóra Scottish Natural Herritage, um náttúruverndarmál í Skotlandi. Roger er vel kynntur á Íslandi en hann hefur oft (33 sinnum!) komið til landsins, kynnt sér vel íslensk umhverfismál og haldið fjölda fyrirlestra hér á liðnum árum (sjá nánar hér)

Heimildin 20. október 2023

Skógrækt er ekki alltaf sjálfsögð sem loftslagsaðgerð

„Ég skora á yf­ir­völd og sveit­ar­fé­lög að end­ur­skoða að­gerðaráætlan­ir sín­ar og skipu­lag um land­nýt­ingu með það í huga að stöðva ósjálf­bæra skóg­rækt í nafni lofts­lags,“ skrif­ar Ingi­björg Svala Jóns­dótt­ir, pró­fess­or í vist­fræði. „Ef ekki er rétt að mál­um stað­ið er hætt við að ný og oft ófyr­ir­séð vanda­mál skap­ist.“

Heimildin 19. október 2023

Grænþvottur Stjórnarráðsins

Sig­fús Bjarna­son skrif­ar um kol­efnis­jöfn­un Stjórn­ar­ráðs­ins. „Ef sömu rök væru not­uð við gerð fjár­laga­frum­varpa væri það hlið­stæða þess að rík­is­sjóð­ur væri tal­inn í jafn­vægi ef út­gjöld árs­ins væru jafn mik­il og sam­an­lagð­ar tekj­ur næstu 50 ára.“

DV (eyjan:is) 2. september 2023

Grenitrjáablæti

Óttar Guðmundsson skrifar: Isavia hefur krafist þess að greniskógurinn í Öskjuhlíð verði felldur eða grisjaður vegna flugöryggis. Margir hafa orðið til að mótmæla og talað um mikilvægi og fegurð þessa útivistarsvæðis. Venjulega er þar á ferð fólk sem aldrei hefur gengið á þennan torfæra hól í miðborg Reykjavíkur.
Á liðinni öld gekk yfir landið mikið skógræktaræði …

Ríkisútvarpið 28. ágúst 2023

Skógrækt fyrir loftslag alls ekki sjálfsögð

„Mikilvægt er að skapa ekki ný umhverfisvandamál með því að planta ágengum tegundum í skógrækt og umbylta þannig ásýnd landsins. Þetta segir vistfræðiprófessor við Háskóla Íslands. Þá er nauðsynleg að vernda líffræðilegan fjölbreytileika í landinu.“

Iceland Review June/July 2023

Of Ashes and Evergreens

„However, the voluntary carbon market presents a tricky balancing act. On the one hand, the barrier to certification must be sufficiently low to encourage investment and participation, while on the other hand, standards must be high enough for these projects to actually have the impact they claim. Many early carbon sequestration projects were uncertified, meaning that they can’t be used on this voluntary market.“ 

Ríkisútvarpið 20. ágúst 2023

Tímabært að endurskoða nýtingu Öskjuhlíðar burtséð frá flugöryggi

Kristbjörn Egilsson líffræðingur segir tímabært að endurskoða skóglendið í Öskjuhlíð. Skógurinn sé dimmur og illa hirtur. Fyrir áratug var efnt til samkeppni um framtíðaruppbyggingu svæðisins, hægt væri að nýta þær tillögur sem lausn á málinu.

Lagastofnun Háskóla Íslands 10. ágúst 2023

Málþing um kolefnismarkaði

Lagastofnun Háskóla Íslands, í samvinnu við Sjálfbærnistofnun Háskóla Íslands, efnir til málþings miðvikudaginn 23. ágúst nk. um kolefnismarkaði og tengsl þeirra við löggjöf og stefnumótun um loftslagsmál.  Árni Finnsson, formaður Náttúruverndarsamtaka Íslands og einn af stofnfélögum Vina íslenskrar náttúru, mun taka þátt í pallborðsumræðum um aðkomu hins opinbera að viðskiptum með kolefniseiningar.

Morgunblaðið 17. júní 2023 (og fleiri miðlar)

Forstöðumaður Lands og skóga

Land og skógur er ný stofnun sem fer með málefni landgræðslu og skógræktar. Stofnunin verður starfrækt samkvæmt nýsamþykktum lögum um Land og skóg þar sem tvær stofnanir, Landgræðslan og Skógræktin, eru sameinaðar í eina stofnun. Auglýst er eftir framsýnum stjórnanda til að leiða stofnunina í kjölfar sameiningar. Einstaklingi sem hefur ótvíræða leiðtogafærni, þekkingu, reynslu og uppfyllir tilgreindar hæfniskröfur.

Vísir 20. maí 2023

Skóg­ræktar­stjóri segir full­yrðingar VÍN ekki standast skoðun

Þröstur Eysteinsson skógræktarstjóri segir að fullyrðingar samtakanna VÍN og fyrrverandi landgræðslustjóra um skógrækt standist ekki skoðun. Ferðamenn sæki í skóginn og að hann auki öryggi við vegi.

„Það er ljóst að ásýnd lands breytist við skógrækt, líkt og við aðrar breytingar á landnotkun. Hvort sú ásýnd sé betri eða verri er háð smekk hvers og eins,“ segir Þröstur í umsögninni.

Vísir 16. maí 2023

Inn­fluttar trjá­tegundir nauð­syn­legar

Framkvæmdastjóri Landsamtaka skógareigenda segir að innfluttar tegundir nauðsynlegar til landgræðslu á Íslandi. Landnýting skipti meira máli en ferðamennska.

Ef ég væri staddur á eyðieyju myndi ég ekki treysta á ferðamenn heldur landið,“ segir Hlynur Gauti Sigurðsson, framkvæmdastjóri Landsamtaka skógareigenda.

Vísir 13. maí 2023

Skóg­rækt muni draga úr ferða­manna­straumnum

Sveinn Runólfsson, fyrrverandi landgræðslustjóri, segir að há tré séu byrjuð að byrgja fólki sýn að náttúruperlum. Sveitarstjórnir þurfi að standast þrýsting skógræktarfólks og skipuleggja svæði vel til að forðast frekari slys.

Sveinn nefnir Systrafoss við Kirkjubæjarklaustur sem dæmi. Foss sem hann telur vera einn þann fallegasta á landinu og dragi margan ferðamanninn að. En sitkagreni hefur verið plantað nærri allan hringinn í kringum fossinn sem eyðileggur útsýnið.

Sjá einnig bréf frá VÍN til Sambands íslenskra sveitarfélaga 14. apríl 2023 hér.

Morgunblaðið (Leiðari) 9. maí 2023

Skógar og útsýni – varað við að gerbreyta íslensku landslagi

„Einhvern tímann var sagt að ef maður villtist í íslenskum skógi væri gott ráð að standa upp. Þetta ráð dugar nú skammt og víða má nú sjá foldgná tré þar sem áður var berangur. Trjárækt er að gerbreyta íslensku landslagi og nú hefur félagið Vinir íslenskrar náttúru undir forustu Sveins Runólfssonar, fyrrverandi landgræðslustjóra, skrifað Sambandi íslenskra sveitarfélaga bréf, þar sem varað er við þróuninni.“

Sjá leiðarann hér (aðeins fyrir áskrifendur Morgunblaðsins)

Morgunblaðið 5 maí 2023 (bls. 10)

Einstakt útsýni skert

Vara við að stórfelld skógrækt muni hafa mikil áhrif á ásýnd landsins og útsýni • Sveitarfélög taki málið fyrir
Vinir ísenskrar náttúru (VÍN) hvetja sveitarfélög til að taka skipulag sívaxandi skógræktar föstum tökum. Útsýni hafi víða verið skert með plöntun trjáa á röngum stöðum. Útsýni sagt verðmæt en vanmetin auðlind.

Sjá bréf VÍN til Sambands íslenskra sveitarfélaga hér  og hlusta á stutt yfirlit á Morgunvakt ríkisútvarpsins hér (byrjar 12:30)

 

Skógræktin 3. maí 2023

Skógarkolefni 2.0 á nýjum vef

„Ný útgáfa birtist í dag af kröfusettinu Skógarkolefni sem stuðlar að samræmi í kolefnisverkefnum með nýskógrækt. Um leið var opnaður nýr vefur Skógarkolefnis á slóðinni skogarkolefni.is. Í tilefni Loftslagsdags Umhverfisstofnunar í Hörpu 4. maí hefur verið gefið út nýtt myndband þar sem lýst er mikilvægi kolefnisbindingar með skógrækt og ábyrgra kolefnisverkefna.“

Sjá myndbandið hér.

Ríkisútvarpið (Samfélagið) 28. apríl 2023

Kolefnisbinding og kolefnisjöfnun

Við ætlum að velta fyrir okkur kolefnisbindingu og kolefnisjöfnun og hverju það a að skila. Það er töluvert deilt um þessi mál, þau tengjast mikið inn í umræður um skógrækt og landgræðslu og hvaða stefnu Íslendingar eiga að taka í þeim efnum. Árni Finnsson formaður náttúruverndarsamtaka Íslands og einn stofnfélaga VÍN – sem eru vinir íslenskrar náttúru og Hreinn Óskarsson hjá skógræktinni, skógfræðingur og sviðsstjóri þjóðskóga líta þessi mál ólíkum augum. Við tölum við þá.

Vefur Alþingis 24 apríl 2023

Svar ráðherra við fyrirspurn um kolefnisbókhald

Svar umhverfis-, orku- og loftslagsráðherra við fyrirspurn frá Líneik Önnu Sævarsdóttur um samspil vottaðra kolefniseininga, sem seldar eru á frjálsum markaði, og loftslagsbókhalds Íslands.

Viðskiptablaðið 25. apríl 2023

Auknar kröfur um vottun kol­efnis­verk­efna koma í veg fyrir græn­þvott

Rannveig Anna Guicharnaud, liðsstjóri í sjálfbærniteymi Deloitte, og Gunnar Sveinn Magnússon, meðeigandi og yfirmaður sjálfbærniteymis Deloitte: Stöðlun kolefnisverkefna og vottun þeirra tryggir að þau séu raunverulega til gagns og leiði vissulega til minnkunar koldíoxíðs í andrúmslofti.“

Heimildin 24. apríl 2023

Hvað er alþjóðlegt?

Fjár­mála­stjóri Skóg­rækt­ar­inn­ar fjall­ar um al­þjóð­leg­ar vott­an­ir kol­efnisein­inga þeg­ar kem­ur að skóg­rækt.

Heimildin skrifar að grein­in sé m.a. svar við gagn­rýni tveggja stofn­fé­laga Vina ís­lenskr­ar nátt­úru. Samkvæmt höfundi greinarinnar er þetta ekki rétt.

Heimildin 17. apríl 2023

Grænþvottur með kolefnisjöfnun?

Árni Finnsson, formað­ur Nátt­úru­vernd­ar­sam­taka Ís­lands seg­ir að það sé óá­byrgt af hálfu stjórn­valda og for­stöðu­manna fyr­ir­tækja að láta eins og kol­efnis­jöfn­un sé prýði­leg­ur val­kost­ur við sam­drátt í los­un.

Morgunblaðið 2. apríl 2023

Jim Ratcliffe áhugasamur um verkefnið

Auðjöf­ur­inn Jim Ratclif­fe er á meðal þeirra sem hafa sýnt áhuga á verk­efni Skóg­rækt­ar­inn­ar sem snýst um að koma á fót viður­kenndu ferli vott­un­ar á bind­ingu kol­efn­is með ný­skóg­rækt.

Verk­efnið hef­ur gengið fram­ar von­um og eru um 20 slík í und­ir­bún­ingi á mis­mun­andi stig­um, að sögn Þrast­ar Ey­steins­son­ar skóg­rækt­ar­stjóra.

Heimildin 30. mars 2023

Færri lóur kveða burt snjóinn

Tug­þús­und­ir mó­fugla tapa bú­svæð­um sín­um ef öll þau 7.000 sum­ar­hús sem bú­ið er að sam­þykkja skipu­lag fyr­ir á land­inu verða byggð. Mó­fugl­um stend­ur einnig hætta af vega­gerð, skóg­rækt og vindorku­ver­um. For­stöðu­mað­ur Rann­sókna­set­urs Há­skóla Ís­lands á Suð­ur­landi seg­ir að ef fram held­ur sem horf­ir verði mó­fugl­ar að mestu farn­ir eft­ir hálfa öld.

Þessu er greint frá þessu á nýjum vef þar sem lesa má um áhrif landnotkunar á afkomu mófugla.

Bændablaðið 23. mars 2023, bls 50

Ágeng barrtré – Verðmæti eða vandamál?

Andrés Arnalds segir í Bændablaðinu að það megi „draga mikinn lærdóm af reynslu Nýsjálendinga. Þar er nú andvirði milljarða króna varið árlega til að verja landslag og lífríki fyrir innfluttum trjátegundum sem hafa verið að dreifast þar með veldisvaxandi hraða út frá ræktunarsvæðum sem kostuð voru af ríkinu.“

Sjá leiðréttingu á greininni og upplýsingar frá Nýja Sjálandi um þessi mál hér.

Ríkisútvarpið (Samfélagið) 17. mars 2023

Deilt um skógrækt á Íslandi

Það er deilt töluvert um skógrækt á Íslandi, um umfang og tegundir trjáa sem er plantað. Við ætlum að reyna að skilja betur helstu átakalínur í þessari umræðu, fáum til okkar Þóru Ellen Þórhallsdóttur, plöntuvistfræðingur og prófessor við Háskóla Íslands og Eddu Sigurdís Oddsdóttur sviðstjóri rannsóknasviðs hjá Skógræktinni“

Heimildin 12. mars 2023

Ábyrg kolefnisbinding – Forsendur og vottun

Andrés Arn­alds seg­ir að það ógagn­sæja og hags­muna­tengda kerfi sem nú sé við lýði, og komi hvað skýr­ast fram í skóg­rækt vegna kol­efn­is­bind­ing­ar, sé ekki boð­legt í sam­fé­lagi nú­tím­ans. Af­leið­ing­arn­ar séu víð­tæk­ar.

Ríkisútvarpið 12. mars 2023

Telur fyrirtæki fara frjálslega með hugtakið kolefnisjöfnun

Skógræktastjóri telur fyritæki fara heldur frjálslega með hugtakið kolefnisjöfnun þegar þau bjóða viðskiptavinum að setja fé í óvottuð verkefni sem óljóst er hvað skili mikilli bindingu.

Heimildin 3. mars 2023

Hugarfarsbreyting gagnvart hamfarahlýnun

Grein eftir Tinnu Hallgrímsdóttur, umhverfis- og auðlindafræðings og forseta Ungra umhverfissinna.  „Við þurfum að nálgast loftslagsvandann með hugarfari sem viðurkennir hversu brýnt ástandið er, hversu mikla getu við höfum til breytinga, og allan þann ávinning sem af því hlýst.“

Samstöðin (Rauða borðið) 28. febrúar 2023

Kolefnisbinding sem stenst ekki

Brot úr Rauða borðinu þriðjudaginn 28. febrúar 2023 – Jón Gunnar Ottósson, fyrrum forstjóri Náttúrufræðistofnunar, segir okkur frá gagnrýni sinni á skógrækt sem kolefnabindingu: „Breytir skógrækt einhverju fyrir kolefnisjöfnun og lögbundin markmið Íslands um kolefnishlutleysi árið 2040?“

Sjá líka viðtal við Gunnlaug Guðjónsson hjá Skógræktinni á Rauða borðinu 2. mars (02:49:53), frétt í Heimildinni 5. mars og grein Reynis Kristinssonar, Kolviði, í Heimildinni 8. mars.

frettabladid.is 28. febrúar 2023

Fagur er fjallahringur

Ingimundur Gíslason skrifar á frettabladid.is: „En þetta er allt að breytast. Að hluta til á kostnað skattgreiðenda. Adam virðist vera að hörfa úr paradís. Um er að ræða stórfelldar landslagsbreytingar án nokkurs skipulags. Víða sést ekki lengur til fjalla vegna trjáræktar meðfram þjóðvegum landsins. Og þetta versnar með hverju ári sem líður. Trén stækka óðfluga og ræktunarsvæðum fjölgar. Er þetta það sem viljum? Almenningur er aldrei spurður.“

visir.is 21 febrúar 2023

Hvers vegna er fjöl­breytni náttúrunnar svona verð­mæt?

Skúli Skúlason, Christophe Pampoulie, Ingibjörg Svala Jónsdóttir, Kristinn Pétur Magnússon, Snæbjörn Pálsson, Starri Heiðmarsson, Sæmundur Sveinsson og Tómas Grétar Gunnarsson skrifa.
Sjá líka Hátíð líffræðilegrar fjölbreytni og BIODICE.

mbl.is 16. febrúar 2023

Hvernig viljum við hafa skógana okkar?

Eiríkur Þorsteinsson skrifar á mbl.is: „Nú erum við farin að selja nýja afurð úr skóginum sem byggist á því CO2 sem skógurinn dregur í sig. Kolefnisjöfnunin er seld í formi aflausnarbréfa sem skógur er síðan ræktaður fyrir. Slík skógrækt án framtíðarsýnar um nytjar skóga er skammsýn. Timburafurðin og umhverfið eru ekki í aðalhlutverki og dýralífið breytist. Það verða til skógar, en eru það skógarnir sem við viljum eða eru þeir á þeim stöðum sem við viljum hafa skóga sem við getum nýtt til framtíðar?“

visir.is 15. febrúar 2023

Tekist á um gróður­setningu trjáa: „Þetta er svo mikil svika­mylla“

Fyrrverandi forstjóri Náttúrufræðistofnunar Íslands gagnrýnir að gróðursetning trjáa sé seld undir þeim forsendum að með því sé verið að kolefnisjafna. Stjórnarformaður Kolviðar segir skýrt tekið fram að það taki tíma fyrir trén að kolefnisjafna og að gróðursetning sé sannarlega betra en að gera ekki neitt.
Sjá líka athugasemd um fréttina birt á vef Kolviðar 16 febrúar 2023.

frettabladid.is 9. febrúar 2023

Verndum mófuglana

Jón Gunnar Ottósson: „Nú ber svo við að íslensk stjórnvöld boða herferð gegn heimilum þessara vina okkar með loftslagsvána til réttlætingar.

Sjá líka Fréttablaðið 9. febrúar 2023, bls 13 (Skoðun)

ruv.is 3. febrúar 2023

Koltvísýringur fangaður í trjánum

Í Spegli RÚV útskýra Reynir Kristinsson, stjórnarformaður Loftslagssjóðsins Kolviðar, og Þröstur Eysteinsson, skógræktarstjóri, muninn á aðkomu Kolviðar og Skógræktarinnar (Skógarkolefni) hvað varðar sölu á kolefniseiningum. Sjá líka umfjöllun VÍN um málið hér.

Dagens Nyheter (DN) 27. janúar 2023

Loftslagsvæn nytjaskógrækt er svindl

Í frétt DN (500 forskare: Klimatsmart skogsbruk är en bluff) er fjallað um bréf frá 500 vísindamönnum til forseta stofnana Evrópusambandsins. Það bréf er svar við öðru bréfi sem 550 vísindamenn sendu stofnunum ESB í október 2022.

Fréttablaðið 21. janúar 2023, síða 27

Náttúruvernd í víðum skilningi

„Við teljum að allir, sem fara um landið okkar með opin augun, hljóti að sjá að tegundir eins og stafafuran eru að breiðast mjög hratt út,” segir Sveinn Runólfsson, formaður VÍN, í viðtali við Fréttablaðið. Sjá líka á frettabladid.is.

Fréttablaðið 10. janúar 2022, síða 15

Rangfærslur um skógrækt 

Pétur Halldórsson kynningarstjóri hjá Skógræktinni svarar grein Hjálmars Waag Árnasonar frá 3. janúar 2023 (sjá Hættur stafa af skógrækt)

Fréttablaðið 3. janúar 2023, síða 15

Hættur stafa af skógrækt

„Ríkið ver hundruðum milljóna í skógrækt en þar virðist ríkja algjört stefnuleysi, segir Hjálmar Waag Árnason í grein í  Fréttablaðinu.

Fréttablaðið 27. desember 2022, síða 11

Skógrækt með fyrirhyggju

Pétur Halldórsson kynningarstjóri hjá Skógræktinni svarar grein Trausta Baldurssonar frá 19. desember 2022 (sjá Skógrækt án fyrirhyggju)

frettabladid.is 19. desember 2022

Skóg­rækt án fyr­ir­hyggj­u

„Íslenskt stjórnvöld þurfa að stoppa skógrækt í andstöðu við lög um náttúruvernd tafarlaust, segir Trausti Baldursson í grein á frettabladid.is.